Тайлангаа хоцроох нь ямар эрсдэлтэй байдаг вэ?
Тайлангаа тушаасан уу?
Үгүй ээ, хараахан тушаагаагүй л байна. Танайх тушаасан уу?
Тушаана даа, арай дуусаагүй л байна гээд л нягтлангууд бид чинь хугацаандаа тайлангаа гаргаж дуусах гээд л ажилчин зөгий мэт бужигнаж, нойр, хоолгүй, өдөр шөнөгүй, гэрээ мартсан гэсэр царайлж суух нь элбэг байдаг.
-Хэзээ тушаадаг юм? Жил бүрийн 2 сарын 10-наас өмнө тушаах ёстой байдаг
-Энэ санхүүгийн тайлан чинь тэгээд хэнд тийм чухал гэж? Аж ахуйн нэгжийн удирдлага, хувьцаа эзэмшигчдэд амин чухал баримт шүү дээ.
-Хугацаандаа тушааж амжихгүй бол яадаг юм? Торгуулна ш дээ торгуулна.
-Хэдээр торгодог вэ? Санхүүгийн тайлангаа хугацаандаа илгээгээгүй хоцроосон бол зөрчлийн хуулиар Хувь Хүн буюу Нягтланг / 400,000₮/ Хуулийн этгээдийг буюу Компанийг /4,000,000₮/ торгодог.
Ийм яриа хаа нэгтээ өрнөж буй бол дараах мэдээлэлд анхаарлаа хандуулаарай.
Санхүүгийн тайлангаа хуулийн хугацаандаа тушаахгүй бол таны бизнес, аж ахуйн нэгжид ямар сул талууд үүсэх вэ?
1. Хуулийн хүрээний үр дагаварууд
Хуулиар хатуу тогтоосон хугацаатай тул торгууль төлнө
Хараанд нь өртсөн тул аудитын хяналт, шалгалт ихсэнэ
Эрсдэлтэй татвар төлөгч ангилалд шилжиж татварын шалгалтад орно
2. Байгууллага, аж ахуйн нэгжийн нэр хүндэд муугаар нөлөөлнө
Тайлангаа хугацаандаа өгөхгүй байх нь хөрөнгө оруулагчдад таагүй сэтгэгдэл төрүүлэхээс гадна нэмэлт хөрөнгө оруулалт авах, шинэ хөрөнгө оруулагчдыг татахад эрсдэл үүсгэнэ
Нийлүүлэгч, үйлчлүүлэгч, хувьцаа эзэмшигчид хоцорсон тайлангаас тухайн байгууллага болон аж ахуйн нэгжийг удирдлага нь муудаж буй хэмээн дүгнэж энэ нь цаашдын бизнесийн харилцаанд нь нөлөөлж болзошгүй байдаг
3. Байгууллага, аж ахуйн нэгжийн дотоод үйл ажиллагаанд нөлөөлөх
Шийдвэр гаргалт: Санхүүгийн тайлан нь удирдлагын шийдвэр гаргалт болон стратеги төлөвлөлтөнд амин чухал мэдээлэл болж өгдөг. Тайлангийн хоцрогдол нь удирдлагын шийдвэр гаргалтанд саад болдог.
Мөнгөн урсгалын удирдлага: Хоцорсон болон буруу хийсэн санхүүгийн тайлан мөнгөн урсгалын удирдлагыг муутгаж, хөрөнгө оруулах боломжуудыг бууруулдаг.
4. Зээлийн асуудал
Зээлийн үнэлгээ: Санхүүгийн тайланг байнга хоцроох нь компанийн зээлийн үнэлгээнд сөргөөр нөлөөлж, зээл авахад илүү өртөгтэй, эсвэл хэцүү болгодог.
Зээлийн гэрээний заалтууд: Ихэнх зээлийн гэрээий заалтууд дээр хугацаандаа санхүүгийн тайлангаа гаргахыг шаарддаг. Биелүүлээгүй тохиолдолд зээлийн зөрчил үүсэж, хүүгийн хэмжээ нэмэгдэж болзошгүй байдаг.
5. Дотоод үр дагавар
6. Боломжуудыг алдах
Хөрөнгө оруулалтын боломжууд: Санхүүгийн тайланг хугацаанд нь гаргах нь хөрөнгө оруулалтын боломжууд, тэтгэлэг эсвэл хөнгөлөлтүүдэд хамрагдахад чухал байдаг. Хоцорсон тайлан нь эдгээр боломжуудыг алдахад хүргэдэг.
Стратегийн тохируулга: Шинэ санхүүгийн мэдээлэлгүйгээр компани зах зээлийн өөрчлөлт болон дотоод гүйцэтгэлийн асуудлуудад тохируулга хийх боломжийг алдаж болзошгүй байдаг
7. Дотоод бодлогод нийцэхгүй
Дотоод хяналт: Хоцорсон санхүүгийн тайлан нь дотоод хяналт болон процессийн сул талыг илтгэж, үйл ажиллагааны үр ашиггүй байдалд хүргэж болзошгүй.
Удирдлагын тайлан: Тогтмол, цаг хугацаанд нь санхүүгийн тайлан гаргах нь дотоод удирдлагын зорилтуудтай харьцуулсан гүйцэтгэлийг хянах, шаардлагатай тохируулга хийхэд чухал.
Хэрвээ танай байгууллагад эдгээр асуудлууд тулгарч буй бол дараах асуултуудыг асууж үзээрэй.
Нягтлан бодогч маань хариуцлагатай ажиллаж чадаж байна уу ?
Баримт бүрдүүлэлтээ бид зөв хийж байна уу?
Санхүүгийн тайлан болон татвараа бид хугацаанд нь төлж байгаа билүү?
Үндэсний статистикийн хорооноос гаргасан мэдээгээр 2023 оны эхний байдлаар 246360 орчим аж ахуйн нэгж бүртгэлтэй байдаг ба бүгд тайлан тушаах ёстой. Гэтэл үүнээс 164000 орчим аж ахуйн нэгж үйл ажиллагаа явуулж байгаа гэж үздэг бөгөөд үүний 119973 нь тайлангаа тушааж үлдсэн 44000 орчим нь тайлангаа хоцроож тус бүр дөрвөн сая /4,000,000₮/ төгрөгний торгууль төлөх ёстой болсон байна.
Хэрвээ танай байгууллагад, танай бизнест нягтлан хэрэгтэй байгаа бол хуулийн хугацаандаа тайлангаа тушааж элдэв асуудлуудаас ангид байж, үргүй зардлуудаа бууруулах шаардлагатай байгаа бол манай мэргэшсэн, хариуцлагатай, найдвартай хамт олонд хандаарай.
Мэргэжлийн байгууллагаар тайлангаа гаргуулах нь эргээд буух эзэнтэй, буцах хаягтай, сэтгэл амар байдаг ба таньд байгууллагынхаа бусад үйл ажиллагаанд анхаарах эрх чөлөөг олгоно.
Comments